مطعم سورا الكوري جدة (الاسعار+المنيو+الموقع)

  • نشر في: 13 أكتوبر، 2021
  • بواسطة:
مطاعم و كافيهات الخليج
مطعم سورا الكوري جدة (الاسعار+المنيو+الموقع)

مطعم سورا الكوري جدة  من ارقى المطاعم الكورية في جدة ، جلساته جميلة وتقليدية و ديكوره جميل جدا ومناسب لثيم المكان من دخولك من الباب احس انك دخلت مكان مميز في كل شي من الاستقبال للديكور للموسيقى والاضاءة 🎤🎤❤️

  • الإسم : مطعم سورا الكوري- SURA Korean Fine Dining
  • التصنيف : عوائل- أفراد
  • الأسعار : مرتفعه
  • الأطفال : مناسب
  • الموسيقى : يوجد
  • أوقات العمل : 1PM–12AM
  • خرائط جوجلللدخول الى المطعم عبر خرائط جوجل اضغط هنا
  • الموقع الالكتروني: للدخول اضغط هنا

عنوان مطعم سورا الكوري جدة

سعود الفيصل، الروضة، جدة

رقم مطعم سورا الكوري جدة

‏‪+966 12 663 2001‬‏

مطاعم جدة

افضل اطباق المطعم

بحي الروضة مربع نجمة الروضة جانب مطعم سورا.. 📍
للأفراد والعوائل 👨🏻‍💼👨‍👨‍👧‍👧
حتعيشوا تجربة جميلة في المطعم
الأجواء و الجلسات على الستايل الكوري التقليدي
والخدمة ممتازة 👌🏼 اطباق المطعم تتضمن البولقوقي والستو والدجاج الكوري،

الكيم باب و نودلز جب تشي والكيمتشي و الكثير من الاطباق الأخرى..

 

مطعم سورا الكوري جدة

منيو مطعم سورا الكوري 

  … لعشاق المطبخ والأكل الكوري  مطعم سور­ا الكوري في شارع الروضة بجدة…

تمت زيار­ة المطعم تلاته مرات، تقييمي له ممتاز ويس­تحق التجربة 💯👍🏻
– ديكور المطعم جميل مستوحى من الطراز الك­وري، الجلسات نوعين أرضيه وطاولات،

المطعم­ فيلو شاشات تلفزيون تعرض برامج وموسيقى ك­ورية 🎼😎
– المنيو باللغة العربية والانجليزية 🔖­
– الأسعار فوق المتوسط 💰💸­
– الضيافة عندهم عبارة عن شاهي اخضر وفواك­ة مجففة ( تفاح وبرتقال) 🍶🍵🍏🍊
– من خلال الزيارات التلاتة جربنا الأطباق­ التالية 👇🏻
1- وجبة SURA الكاملة (HEE) الحد الأدنى ل­ازم تكون طلبين 

منيو مطعم سورا الكوري جدة

 

 

منيو مطعم سورا الكوري

 

 

منيو سورا الكوري

اراء المتابعين

التقرير الأول

التقييم: الوجبة كبيرة تقريبا تجي فوق الع­شرة أطباق جانبية من شوربة ورز ومقبلات وم­كرونة 9/10 ‏2-
التقييم: عبارة عن طبق لحم شرايح خفيفة تش­به للفاهيتا يقدم مع خمسة انواع من الاطبا­ق الجانبية،، طعمو لزيز يعني ممكن اطلبو ك­زا مرا 9/10 🍛 ‏3-
التقييم: طبق بيبيمباب يقدم مع سبعة اطباق­ جانبية ،، يجي في طبق فخار حاااااار 🔥طع­مو جيد وممكن ينطلب تاني 8.5/10 ‏4-
التقييم: الطبق نفس اللي في رقم 3 بس طريق­ة التقديم يجي في طبق بارد وطعمو الززززز ­من اللي قبلو 10/10 🍲 ‏5-
التقييم: اشهر طبق في المطبخ الكوري وبالن­سبة ليا الزززززز طبق لازم في كل مرا اطلب­و،، عبارة عن كعك الأرز مع الصوص الحار ،،­ اتعب واقول طعم 😋👍🏻😍 10/10 ‏6-
التقييم: طبق الراميون الكوري يجي معاه تل­اته اطباق جانبية، طعمو عادي زي الأندومي ­بس حارررر 🍜 8/10 ‏7-
التقييم: الطبق عبارة عن شوربة بالتوفو وا­لمأكولات البحرية يجي معاه خمسة أطباق جان­بية 🍲 8/10 ‏8-
التقييم: الكيمباب الكوري في غنى عن التعر­يف طعمو لزيزززز 🍥 9.5/10 ‏9-

التقرير الثاني

التقييم: سلطة باردة بالروبيان 🍤مع نكهة ­الجنسينغ وصوص الصنوبر،،، طعمها جييييييد ­8.5/10 ‏10-
التقييم: الطبق عبارة عن مقبلات ، مجموعة ­خضار مقلية تشبه للتمبورا 🍃 8.5/10 ‏11-
التقييم: الطبق دا حلى كوري مشهور عبارة ع­ن حليب متلج مجروش وفوقو يجي الفاصوليا ال­حمرا الحلوة،،، مرااااا لزيززززززز وكل مر­ا اروح اطلبو 🍧😍 10/10 ♣️ 

‏💭 بشكل عام المطعم يستاهل التجربة، محل ج­ميل ورايق والويتر بشوشين 10/10 😌

التقرير الثالث

رحنا المطعم عالساعة ٧ المسا، الضيافة عندهم دائما وابداً عبارة عن شاي الارز طعمه غريب مرة وجابولنا طبقين صغيرة شوربة عصيدة الرز، وسلطة خضار لكل شخص كنا ٣ اشخاص وطفلين و حسابنا تقريباً ٧٠٠ ريال بالضريبة نجي لطلباتنا: الاسماء عجيبة لكن راح احاول اوضحلكم😅 سورا توك بوكي عبارة عن عجينة الرز والبيض (حار جداً) سقوقي جابتشيه عبارة عن نودلز شفافة بالخضار الكيمباب رول اخدنا طلبين الاول مشكل (يجي ٤قطع باللحم و ٤قطع بالتونا و ٤قطع بالخضار) والطلب التاني بالخضار الفرق بينهم في الطعم بسيطة بس انا احب اللي بالخضار اكتر دول سوت بيبيمباب بالطبق الساخن عبارة عن رز بالخضار واللحم مع الصوص الكوري يتقلبو سوا ويفضل الاكل ساخن (شكله كان مرتب لكن مالحقت صورته قبل لا يتقلب مستعجلين مرة😅) سورا هوا بولغوغي اخدنا الحجم الكبير لاننا نحبه وهو عبارة عن لحم مقطع شرائح بالتتبيلة الكورية 👍🏼 طريقة اكله يتلف جوا الخس ويتاكل مع المخللات طبعاً يقدمو اطباق صغيرة فيها انواع مختلفة من المخللات والاضافات عشان تعزز النكهة وطبعا لازم من المخلل الشهير في الثقافة الكورية الكيمتشي💕 تقدرو تطلبو منها زيادة لو انتهت ( كل مرة نزورهم يجيبولنا شيء ونوع جديد مرة مخلل فجل ومرات سمك مجفف صغير ومرات خضار بنفس طريقة الكيمتشي …. الخ) المكان بشكل عام: المطعم جميل نروحه من ٢٠١٧ وللان محافظ على جودته وطعامته👍🏼 اللي يحبو الاكل الاسيوي والطعوم الغريبة لازم يجربوه الديكورات جميلة بالطابع الكوري وعندهم نوعين للجلسات كراسي عادية وجلسات شبه ارضية اتمنى اكون وصفتها تمام😅 فيه بارتيشن او حواجز بالاصح لبعض الجلسات المكان في العصر جميل تدخل الشمس عالجلسات وتعطي جو حلو للمكان (الزيارات السابقة) عندهم بعض المنتجات الكورية و اوقات يبيعو الكيمتشي عندهم (المرة دي ماكان موجود للاسف) النظافة ممتازة التكييف ممتاز مافي موسيقى ولا اغاني

التقرير الرابع

أول تجربة ليا للأكل الكوري 🇰🇷 كان يستاهل التجربة من ناحية المكان حلو وجلساتهم مريحة الديكور كله من ثقافتهم وعاداتهم 👍🏻😍 والأكل لذيذ للي يحبو الأكل الحلو الحار ومشبع واطباق النودلز والأرزاز واللحوم والمقبلات متنوعة وضيافتهم كانت لزيزة مرة اللي هي شوربة رز خفيفة وسلطة خضرة بصوص مرة طعم بس مشكلتهم الوحيدة التأخير 😮‍💨

التقرير الخامس

تجربة حلوه طلبنا بيمباب ومو مره لذيذ  والصوص حقه حلو مو مرة حار وطلبنا دجاج مقلي جدا لذيذ وطلبنا دجاج بالثوم والصويا مرة حلو وفوق الدجاج في صوص كراميل والجاجانغ ميون مو مره حلو

التقرير السادس

الخدمة رائعة جدا ومقدمي الطعام عارفين المنيو صح وبكل تفاصيله . الاسعار تعتبر غالية ولكن كمية الاطباق كبيرة بالراحة كل طبق يأكل شخصين . الشي مميز عندهم انهم يقدموا ضيافة شوربة وسلطة وشاي ومقبلا مشكلة زي الكيميتشي التقليدي . طلباتنا كانت : – سلطة الروبيان ( ٦/١٠ ) مو مرة عجبتني كان ناقصها بهار وملح ولكن الصوص تبعها كان مميز جدا . – رز مقلي بالثوم (١٠/١٠) ممتاز جدا جدا ولذيذ ونكهة الثوم متوازنة وعالقد. – ضلوع قالبي قوي ( مليون وخمسمية الف و ثلاثين على ١٠ ) رهيب رهيب رهيب اتعب اقلك قد ايش كان الطبق ده مميز في نكهاته ودرجة استواء اللحم حاجة من الخيال . – نودلز جاجنق ميون (٩/١٠) عبارة عن نودلز بالصويا لذيذة جدا . التجربة كلها بشكل عام مميزة وغير عن باقي المطاعم واحلى

مطاعم جدة

 

الوسوم