مطعم ستيته في جدة مكان رائع من الاخر أكل ونظافة وهدوء وتعامل كل شي 5 نجوم المطعم ذو ديكور هادي وحلو ونظيف والمساحات بين الطاولات حلوه . الموظفين حبوبين وذو خدمه جيده وسريعه ❤️🤓
الروضة، جدة
+966 54 066 3266
اخترت ان يكون مطعم ستيته تجربه اولى لعشاء الاصدقاء وكان الاختيار صحيح من استقبال الموظفين حتى انتهاء الوقت الجميل ..منتهى التعاون واللطافه والنظافه والاناقه طلبنا المبشور مع ملحقاته ..وفتة الباذنجان ..اما البطاطس تميز شيف للامانه..مختوم دجاج..اما الليمون بالنعناع يستحق ال٥نجوم وتشكيلة السمبوسه كانت شهيه جدا..تنسيق الشموع مع الوان المكان كانت كلاسيك جدا ..سأكرر الزياره دائما .
٢ سلطه الورقيات الحضراء
ناشفه مافيها زيت او ليمون طعم عادي ٣٨ ريال
٢٥ ريال سمبوسك مشكل ٥ قطع
حلو ولذيذه جدا وخفيفه
٤٩ ريال دجاج مبهر لذيذ
٦٧ ريال منشور سيتيه اخوي عجبه طعمه
٢٩ ريال مطبق مالح لحم طمعه حلو
٢٣ ريال المعصوب شكله جميل
وطمعه حلو ويزورد على القشطه اربع ريال
١٨ ريال عصير ليمون نعناع
٢٠ ريال عصير برتقال
الاجمالي ٢٨٦
تجربة رائعة المكان رايق ورائحة طيبة والاكل لذيذ طلبنا مولخية ورز والبركان والسلطة الباذنجان والكبة باللبن لكن البركان ماعجبني جات قاسيية جداً لكن سلطة الباذنجان لذيييذ جداا والاسعار غالية جداا والاطباق قليلة ماتكفي الا لشخص بصراحة ماراح ارجعله تاني الا فين وفين عشان ما نطفر وبس شكراا على المكان ونظافته
مكان جممممميل جدًا وهادي والاكل مررره حلو الملوخيه تجنن وكباب باللبن جميل والسمبوسه المشكله لذيييييييذه بس ياليت يزودوها كمان قليله الاسعار مرتفعه شوي
مطعم جميل الديكور لطيف هادئ الأكل لذيذ قمة الاستمتاع مرقة الباميا خياااال العصير موهيتو بالليمون حاجه فنانه لي زيارة ثانية بإذن الله لاستكمال باقي المينو لكن لي رجاء من الادارة المطعم و الأكل ممتازين فاحبذا تدريب الجرسون ان يكون اكثر احترافية في التعامل و يرتقي بالاسلوب الى الافضل مع انه لم يصدر منه شئ للامانة لكني شعرت بشئ من الاستياء ووددت ان يكون اكثر تهذيب شكرا لكم
طلبت سليق باللحم بسعر ١٢٠ ريال الطعم رائع والطاولة الا جنبي عائلة وجد ( شعرة ) بطبق الايدام مما جعلني اتوقف عن الاكل نفسيا رغم لا يوجد شي بطبقي قدموا للعائلة خصم ١٠٪ بسبب الشعرة الا بالاكل اتوقع لن اكرر التجربة رغم زيارتي لهم للمرة الخامسه
نظيف ومرتب ..لكن الأسعار مبالغ فيها جربت كباب الميرو يقدم مع رز ابيض وطحينه ولحم مقلقل (اللحم اقل من عادي )مع الرز وسلطة جرجير(غااااليه) والسمبوسه(عاديه الحبه ب٦ ريال تقريبًا ) شغل مرتب ونظيف والخدمه سريعه ومميزه والاستقبال يحسسك انك في ضيافة البيت الحجازي الاصيل..فقط بعض الاسعار تحتاج مراجعه
مكان نظيف رائحته مستكه مرتب وفيه خشب كأنه رواشين الاستقبال جميل والترحيب حار الاكل جداً لذيذ وموزون وبهاراته لذيذه اكل بيت ولكن برا البيت اي احد مشتهيه اكلات زمان او الاكلات اللي من يد امه او سته يجي دا المكان طلبنا لحم مقلقل بالرز المديني لذيذ وعليه لوز وزبيب ومعاه دقوس وطحينه لذييييذه الباشميل رائعه الباميه حكايه تانيه بالزبط زي طبخ البيت واطعم الاطباق كبيره تكفي شخصين
الاكل رائع نفس طبخ البيت والاستقبال ممتاز اشكر الاستاذ عبدالله الشهري كان له دور كبير لزيارت هذا المطعم لي ملاحظة صغيرة اتمنى من صاحب المطعم تعديلها ليكتمل جمال المطعم الطاولات لا تليق بالمطعم كما ان الفرش الموجود بالدرج وبعض عتبات الدرج تحتاج تغيير
الفطور الرمضاني
تمر مع طحين – ماء مبخر – قهوة عربية
لبن – عصير تمر هندي
مقبلات
فتة باذنجان – سمبوسة – بليلة – فول – بركان ستيته
طبق رئيسي
المغازلية باللحم أو طبق الدجاج المحشي
الحلى
سلطة فواكة باللبنيه أو لحوح باللبنيه
الرأي الشخصي
مطعم ممتاز والأكل لذيذ
اللبنيه داخله في جميع الحلويات
المقبلات ممتازة وأنصحكم بالمغازلية
واللحوح .. يستاهل التجربة والتكرار ✨❤.
الطلبات
شوربة حَبّ ١٨ ريال
شوربة ثمار البحر ٢٤ ريال
بركان ستيته ٣٥ ريال
فتة باذنجان ٢٩ ريال
لحوح مالح ٣٨ ريال
كباب ميرو ٤٣ ريال
ورة الهامور ١١٥ ريال
عصير برتقال – عصير ليمون ونعناع
سعر الواحد ١٨ ريال تقريباً
رأي الشخصي
المطعم مميز من أيادي الشيف السعودية
فتون حلواني
كل طبق يقول الزود وخاصة
الفتة وبركان ستيته ووردة الهامور
يستاهل التجربة والتكرار ✨❤
جميع الحقوق محفوظة لموقع كافيهات جده | افضل مقاهي جده © 2024 - Privacy Policy - اعلن معنا
