مطعم الدنتي (الاسعار+المنيو+الموقع)

  • نشر في: 11 سبتمبر، 2018
  • بواسطة:
مطاعم و كافيهات الخليج
مطعم الدنتي (الاسعار+المنيو+الموقع)

مطعم الدنتي من المطاعم الايطالية القديمة اللي مازال محافظ على هويته وخدمته واسعاره وجودته للان . الخدمة عندهم ممتازة جدا ومقدمي الطعام محترفين وبشوشين واخلاقهم حلوة لدرجة يحببوك بالمكان قبل تاكل

  • .الاسم : مطعم الدنتي- 
  •  التصنيف : مطعم مأكولات إيطالية
  • النوع :  أفراد وعائلات
  • الأسعار : متوسطة
  • الأطفال :  مسموح
  • الموسيقى : يوجد
  • أوقات العمل : ١:٠٠م–١:٠٠ص
  • الموقع الإلكتروني : للدخول إلى الموقع الإلكتروني للمطعم إضغط هنا /
  • العنوان :  طريق الأمير سلطان،، السلامة، جدة 23436، المملكة العربية السعودية
  • الموقع على خرائط جوجل : يمكنك معرفة موقع المطعم عبر خرائط جوجل من هنا
  •  رقم الهاتف:  +966 12 697 0220

 

التقرير الأول لمشاركة المتابعين

مطعم الدنتي الايطالي بشارع صاري
طلباتنا كانت كالتالي :
بيتزا خضار شخصيا مااكلتها بس اهلي عجبتهم واعطوها ٩/١٠
بيتزا مارغريتا زمان كنا نطلبها وكانت لذيذه جدا بس اخر مرا رحنا كان طعمها مو زي دايما والجبنة قليلة والنكهه ضايعه فاعطيها ٦/١٠
فتوتشيني دي بوللو بالنسبه ليا اطعم فتوتشيني ممكن تاكلها فمطعم ايطالي تلقاها فالدنتي ومستحيل ناكل عندو ومانشتري فتوتشيني رهيبه وخفيفه فنفس الوقت اعطيها ١٠/١٠
رافيوللي دي بوللو كان اختيار جديد اول مرا نطلبو بس صراحة لذييييذه جدا والصوص حقها كان رهيب ومايتفوت اعطيها ١٠/١٠
سيخ دجاج عبارة عن دجاج مشوي كان لذيذ و فيلو نكهة مميزه اعطيه ٨/١٠
اخيرا المشروب كان سعودي شمبانيا واللي يبسط انو جك كبير فيه عصير يعني مفيد للي يكونو اكثر من شخصين اعطيه ٩/١٠
النظافة ١٠/١٠
تعاملهم كان جدا لطيف لدرجة لما خلصنا جا عامل بنفسو ومعاه معقم قلنا حق المحل خلص بس انا اشتريت واحد بنفسي للزباين فكانت مبادره لطيفة منو ولقي دعوات طبعا من الاهل 😂.
.
الاسعار جدا معتدله والحساب كلو كان ٣١٠ يعني لو رحت مطعم ايطالي ثاني حيكون اغلى و نكهة اكلو مستحيل توصل لمستواهم وشكرا 💖

مطعم الدنتي

التقرير الثاني لمشاركة المتابعين


تقييمي لمطعم مفضل عندي من اول المطاعم اللي تجي على بالي لو ابغى اكل ايطالي
مطعم الدنتي اللي متواجد في تقاطع الامير سلطان مع صاري
المطعم ذو طابع قديم من حيث الطاولات والديكورات

جلساتو جدا مريحه وهاديه ومافي بارتشن

من فتره اخد المنطقه كلها ووسع المكان وسار عندو جلسات خارجيه للمدخنين

طلباتنا كانت كالتالي :
سلطة سيزر عاااديه جدا سعرها 40 ريال اقيمها 5/10

شوربة كريمة الدجاج شيء خيالي اطعم شوربة دقتها سعرها 35 ريال ويسأل لوتبغوها في صحن او عيش اقيمها 10/10

شوربة ثمار البحر برضو مررره طعمه سعرها 45 ريال تقيمها 10/10

رافيولي مكرونة محشيه خضار ودجاج في بنك صوص ووايت صوص طعمه جدا جدا بس تقيمها ينزل بالنسبالي لانو شكل التقديم موجيد سعرها 55 ريال اقيمها 8/10

مويا صغيره نسيت سعرها
ملاحظه
دائما نطلب كمان بيتزا مارغريتا طعمها مررره تمام وكوكتيل شامبين جيد وفوتشيني من الافضل في مطاعم جده
وشوربة الطماطم على السمع انها جيده كمان

الوسوم