مطعم ساوث ستريت في جدة

 /الاسم:ساوث ستريت

south street

أوقات العمل: من 1:00 ظ  حتى 2:00 ص

 التصنيف: افراد وعائلات

 النوع:مطعم وجبات سريعة

  الجلسات:  داخلية

 الاسعار: متوسطة
الاطفال: / مسموح
البارتشن: لا يوجد

مطعم ساوث ستريت بجدة

عنوان مطعم ساوث ستريت جدة

شارع الامير سلطان باتجاه الشمال قبل تقاطع الآية ويقابله في الجهة الأخرى آية مول

اضغط لخرائط جوجل

حسابهم في الانستغرام

@southstreet_jeddah

التقرير الأول لمشاركة المتابعين

السعر العام: $$ متوسط

التقييم العام:
٤/١٠

جو المطعم:
المطعم طابقين، الدور العلوي للعوائل والارضي للشباب، الجلسات عادية مثل مطاعم الوجبات السريعة

الطلبات المجربة:
ساوث ستريت فيلاديلفيا ستيك ساندويتش يجي معاه بطاطس، طعمه عادي جداً والعيش قاسي شوي يتعب في الاكل نعطيه ٤/١٠ والسعر ٤٠ ريال سادة والاضافات لها سعر اضافي، البطاطس سعره ممتاز نعطيه ٩/١٠

تعليق عام:
تجربة جديدة لكن ماعتقد راح نزور المطعم مرة ثانية

التقرير الثاني لمشاركة المتابعين

مطعم الشارع الجنوبي
South Street

بشارع الأمير سلطان

هذا المطعم يقدم الفيلادلفيا ستيك ،، بطريقة جداً رائعة
وعلى شهادة زباين كانوا موجودين وقتها من الجنسية الأمريكية
مبسوطين جداً من الطعم ،، وذكرهم بمطعم موجود في فيلادلفيا اسمه باتس

المهم ما علينا

من خلال قرائتي للعديد من التقارير
تحمست إني أجربه

الغرض من الافتتاح التجريبي هو تعريف الناس بالمطعم
واستقبال ملاحظاتهم

طلباتنا كانت كالتالي

فيلادلفيا ستيك ساندويتش بجبنة التشيزويز : ركزت هنا على كمية البصل اللي تكلموا عنها الحبايب في تقاريرهم وشفتهم إنهم زبطوها وقللوا الكمية و صار البصل مخلوط مع اللحمة ،، وهذا شيء إيجابي ،، طعم الساندويتش جداً ممتاز و يستحق التجربة ،، واللحم لذيييذ وسلس ،، بالنسبة لي أشوف سعرهـ غالي 45 ريال ،، بس يستاهل التجربة .

برجر أمريكي : حلو ما به شيء ،، عجبتني حركة البيكون الملفوف مع لحمة البرجر ،، معطية شكل رهيب و طعم لذيذ ،، وانتبهت لملاحظة إنو القطعة العلوية للخبز نوعاً ما قاسية ،، واللحم بدون بهارات ،، بس الصوص اللي داخله حكاية تانية خالص ،، سعرهـ 40 ريال .

برجر إيطالي : برجر مع جبنة البارميزان و جرجير ،، كنت مستغرب ليه جرجير ،، بس طلعوا الطليان يموتوا في شيء اسمه جرجير ،، سعرهـ 35 ريال .

تالياتا ستيك : هنا أنا عشت جوي و أكلت الاستيك لآخر لقمة وحبيته جداً جداً ،، خلطة إيطالية رهيبة ،، واللحم جاي مقطع وفوقه جبنة بارميزان و جرجير وزيت زيتون ،، بصراحة حكاية تانية ،، سعرهـ 95 ريال ،، ويجي تقريباً 200جم .

مع الطلبات قدمولنا أنواع صوصات مختلفة ،، بس عجبني صوص الساوث ستريت ،، مميز ،، والباقي ما جربته لأنه حار وأنا ما أحب الحار .

بالنسبة للبطاطس ،، فهي بطاطس طازجة وغير مثلجة ،، وطعمها ذكرني بالبطاطس اللي نسويه في البيت ،، رهيب و لذيذ

طبعاً ،، في طلب جانبي نزل ،، أنا حسبته بطاطس وقعدت آكله وأقول طعمه رهيب وغريب ،، في النهاية طلع كوسة مقلية مقطعينها على إنها بطاطس ،، بس بصراحة ،، تجربة الكوسا كانت ممتازة وأنصحكم فيه.

تقييمي لأول زيارة كانت
7 من 10

التقرير الثالث لمشاركة المتابعين

من حي المحمدية – شارع الامير سلطان
ساوث ستريت |south street
مطعم متخصص في السندويشتات والاطباق الايطالية
المطعم للافراد والعوائل ” مافي بارتيشن”
دوامهم من ١ الظهر – ١ الليل .
وخصم لعيون حبايب طهموج
٢٠٪؜ من اليوم حتى يوم ١٨سبتمبر لكامل الفاتورة .
الشيء المميز بساوث ستريت الخبز يحضر فريش عندهم مرتين باليوم
.
– ضروري تجربو الفيلاديفيا ستيك عندهم
يقدم بعده انواع من الجبن طلبنا كان بجبن الشيدر
سعرها يبدا من ٤٠ ريال على حسب الاضافات .
. – اجنحه الدجاج عشاق السبايسي راح تدمنوها عندهم ب٢٢ ريال .
.
– برجر ساوث ستريت السري
عباره عن بريسكت لحم مدخن بخبز طري خاص فيهم ب٤١ ريال
.
– وجربنا كمان سلطه الجرجير ب٣٠ ريال
.
– وطبق البرويسكتا طبق ايطالي يعتبر نوع من انواع المقبلات ب١٨ ريال .
..
– الحلى وياعيني على الحلى .
.
– البناكوتا ب٢٠ ريال
– تشيزكيك التوت ب٢٥ ريال
– تراميسو ب٣٣ريال .
ولاتنسو تجربو الموهيتو ب١٥ ريال .
.
وفرق دا لاتنسو الخصم ٢٠٪؜ حتى يوم ١٨ سبتمبر
وفي توصيل مجاني من المطعم نفسه
وتقدرو تطلبو من هنجري ستيشن
اوبرايتس
تويو
وعليكم بالعافيه 💙

تقييم مطعم ساوث ستريت في جدة

8/10

أفضل مطاعم جدة