• Posted on 14 October, 2018
• Written by لبنى احمد
• in كافيهات جدة

مطعم جدة زمان

مطعم جدة زمان

التقرير الأول لمشاركة المتابعين

فطورنا اليوم كان في جدة زمان المحمدية خلف جرير مول
الطلبات كانت :
قلابه بالسمن / جيده لكن طعمها كان اقرب للفول العادي / ٨/١٠
معصوب بالقشطه والعسل كان جدا جدا بارد تقيمه ٨/١٠
شكشوكه بالفلفل كانت جدا ممتازه البيض مستوي ومو ناشف
تميس طايفي وتميس بسكوت / كل مالهم يصغروا حجم التميس
جبنه بيضاء وزيتون
براد شاهي كبير بالنعناع
المجموع كان ٥٣ ريال

مطعم جدة زمان

التقرير الثاني لمشاركة المتابعين

زيارتي اليوم كانت لمطعم ( جدة زمان ) خلف جرير مول
ديكور المطعم زي ايام زمان
طلباتنا كانت ( فول مبخر ) طعمه رهيييب ونكهة عالية ٩/١٠ قيمته ٨ ريال

مطبق مالح اتعب وانا اقول لذيذ ١٠/١٠ ب ٦ ريال

صحن فلافل ٨/١٠ ب ١٠ ريال

تميس عادي بريالين .. الطعم ٨/١٠ .. السعر ٩/١٠ –
–

مطعم جدة زمان

التقرير الثالث لمشاركة المتابعين

إفطار من مطعم جدة زمان بالمحمدية –

بعد جرير مول بشارع الأمير سلطان تأخذ يمين يجيك المطعم على يمينك

الطلبات:

صحن مقبلتت مشكلة مثل حمص و تبولة و متبل و بابا غنوج و سلطة خضرا، اثنين صحن فول ملخر و كبدة و مقلقل و عريكة و مطبق مالح و طعمية مع البطاطس و ثلاثة تميس و واحد عصير رمان و خمسة موية
الطعم 9/10
المكان 7/10 شوية ضيق و جلسوا تحت في قسم الشباب عشان فوق مكتوم و السقف منخفض و حطولهم بارتشن
الخدمة 8/10 عشان نسيوا الموية
السعر 9/10 كله كلفهم 127 ريال
كانوا خمسة أشخاص و كفاهم بزيادة

مطعم جدة زمان

التقرير الرابع لمشاركة المتابعين

عن جدة زمان (نكهة الماضي )😋
الموقع جدة – شارع حراء -حي المنعيم بعد جرير مول يمين
المحل فيه جلسات للشباب وفيه محل للعوائل بالدور الثاني
الجلسات قليلة وعادية وعندهم بارتشن
الطلبات كانت كالتالي :
فول مبخر مراااا لذيذ زي طعم البيت واطعم ممتاز اعطيه ١٠/٩ وسعره كان ٨ ريال
تميس بطريقة أهل مكة او تميز ع قولة أهل جدة بسكوت كان مرا طعم اعطيه ١٠/٩ ونسيت سعره ومعرف لو يجي مع الاكل ولا لأ 🙈
عريكة بالعسل و بالقشطه كانت لذيذه اعطيها ١٠/٧ وسعرها ١٣ ريال
شكشوكة بالجبنه كانت وسط اعطيها ١٠/٦ وسعرها ١٣ ريال
صحن كبدة نكهة زمان اعطيها ١٠/٧ وكانت ب ١٥ ريال
براد شاي زمان يجنن مايحتاج تقييم 😂 بـ ١٠ ريال
وبس ❤️