مطعم إيفيت لايف ستيك هاوس

مطعم إيفيت لايف ستيك هاوس

التقرير الأول لمشاركة المتابعين

حسابهم ع الانستغرام
@evetlifesteakhouse

عنوان مطعم إيفيت لايف ستيك هاوس

جدة – حي الخالدية – مجمع الكورتيارد – تقاطع الأمير سلطان .
.

إيفيت لايف أحد المطاعم التركية الجديدة في جدة والمتخصصة باللحوم على الطريقة التركية
وهو مكان مناسب جداً لمحبي اللحوم و الشيء الرهيب عندهم إن الماركة سعودية ولكن بنكهة تركية .
.

زيارتي كانت لتجربة عرض الإفطار لديهم وكانت تجربة موفقة و مشبعة .
.

سعر الإفطار: ١٩٥ ريال
ويشمل الآتي .
.

طبق الإفطار: عبارة عن تمر وجوز و مشمش مجفف وزبدة و عسل وجبنة و خيار و طماطم ( تشكيلة مثالية تكسر فيه صيامك ) .
.

وبعدها تنزل لك شوربة العدس

ولا تنسى تضيف الملح و الليمون عليها عشان تقدر تشربها .
.

وبعدها تجيك المقبلات الباردة : واللي كانت عبارة عن حمص و متبل و محمرة و ورق عنب و أرضي شوكي ( تشكيلة مميزة وكلها في صحن واحد وتكفي شخص واحد ) .
.

وبعدها تجيك السلطة وبعد السلطة تنزل لك المقبلات الحارة :

برك بالجبنة و كبة محشية و لحم بالعجين و سمبوسك لحم ( ٢ من كل نوع ) .
.

وبعدها اختيارك للطبق الرئيسي وكان عندهم اختيارين و انا اخترت

لايف منيو : عبارة عن تندر غنم مع رز إفت و لوكم و فخذ دجاج مشوي و كفتة مع الجبنة

( تشكيلة لذيذة بالذات تندر الغنم كان رائع و اللوكم كان مميز وكلها كانت تذوب في الفم ) .
.

من الحلويات أخذنا رز باللبن وكان شيء رائع وبعدها طلبنا القهوة التركية اللي قدموها لنا كإكرام من عندهم و المشروب اللي طلبناه كان عصير ليمون مع التفاح الأخضر .
.

المطعم جميل و راقي و رايق و لحومهم جودتها ممتازة والعرض مشبع جداً ويستحقوا الزيارة و عندهم قسم عائلات و قسم أفراد .
.

نشوفكم في تقرير قادم

مطعم إيفيت لايف ستيك هاوس

التقرير الأول لمشاركة المتابعين

زيارتي كانت لهم في آخر يوم من شهر شعبان الماضي
وحقيقة كانت زيارة جداً لذيذة و تجربتنا كانت للأصناف التالية : .
.

سلطة الجرجير : سلطة جرجير عليها رشة خفيفة من جبنة البارميزان ،، خياري المفضل عندهم
سعر الطلب: ٣٧ ريال. .
.

متبل و حمص : يسووها بالطريقة التركية ،، يعني ما تحس بنكهة الطحينة في الحمص مثلاً ،، بالنسبة لي أفضل الحمص و المتبل من المطاعم اللبنانية أو السورية
سعر الطلب: ٢٥ ريال للطبق .
.

كفتة بوتشر : خمس قطع من الكفتة اللذيذة ،، حبيت هذا الطبق حقيقة ،، كل شيء فيه متوازن ،، يتقدم مع طبق جانبي من البطاطس المقلية
سعر الطلب: ٥٩ ريال .
.

شاشليك : إيش أقول و إيش أترك في وصف لذاذة هذا الطبق ،، شرائح من لحم الفيليه البقري ،، اللحم لذيييذ و يذوووب ذوبان في الفم ماشاء الله ،، بدرجة استواء جداً ممتازة ،، وبهارات جداً موزونة تخليك تحس بطعم اللحم
سعر الطلب: ١٥٩ ريال .
.

توماهوك ستيك: هذا الستيك بالتحديد ما تلقاهـ في أغلب المطاعم لأنها تعتبر من القطع الغالية ،، وهو قطعة ريب ستيك ،، طعمها رائع وأنا طلبتها بدرجة سواء متوسطة وجات على حسب الطلب بالضبط ،، ومن الأشياء اللي تخللي سعر الطبق عالي هو العرض اللي يسووه بتقطيع اللحم أمامك على الطاولة ،، بالنسبة لي أشوف سعره مرتفع جداً ومو طبق ينطلب في كل زيارة
سعر الطلب: ٢٦٠ ريال .
.

في نهاية الأكل جابولنا إكرامية من عندهم بقلاوة بالآيس كريم و كاستين من الشاي التركي .
.

بكل أمانة خدمة المطعم ممتازة و ديكور المطعم فخم
بس أسعاره تعتبر مرتفعة بعض الشيء ولكن في نظري يستحق
لأنك راح تطلع من المكان وانت مبسوط
وعندهم قسم أفراد و قسم عائلات وفي جلسات خارجية وماعندهم بارتشن

وعندهم كمان عرض إفطار في رمضان بقيمة ١٩٥ ريال وقائمة مميزة .
.

نشوفكم في تقرير قادم

Advertisement