مطعم ومخبازة مذاق باب اليمن (الاسعار المنيو الموقع)

التقييم اليوم لمطاعم باب اليمن في حي الزهراء مقابل سوق الشاطئ طلباتنا كانت :
فحسة لحم سعرها 47 ريال اعطيها 2/5
لفائف باذنجان كان طعمها لذيذ ماحسيتها مشربه في الزيت سعرها 22 ريال اعطيها 3/5

الراي الثاني

عريكه عجبتني طريقة التقديم وكانت لذيذه وحبة البركه معطيتها طعم لذيذ وكمان كان كل شي فيها معتدل ومتوازن سعرها 26 ريال لما سألت زوجي كم تعطيها من عشره قال 8 يعني تقريبا 3,5/5
وطلبنا كمان ملوح كبير يكفي نفرين وزياده سعره 5 ريال
واثنين ببسي سعرهم 10 ريال
تمنيت انو عندهم شاي عدني بس للاسف طلع هالشي بس في الفتره الصباحيه انا احس الاكل اليمني مايكتمل الا بالشاي العدني ..
اممم من الملاحظات في المكان انو الكنبات او الكراسي الي نقعد عليها غير مريحه ابدا لانها مستهلكه جدا جدا
الويتر بس واحد قاعد يشتغل على سايد واحد وكل الناس تناديه تبغى تطلب عشان كذا كان مكشر شوي
وكمان عندهم بارتشن
حسابنا كله 110 ريال ومستعده اكرر التجربه ثاني مره .