مطعم سمكوزا في جدة (الاسعار+المنيو+الموقع)

من اطعم الوجبات اللي قد كلتها 💛💛💛

حبيت مررره تعاملهم والطعامه والنظافه وطريقه تقديم الوجبه

قمه بالذووق والرقي 💕💕

التقرير الثاني

تقييم مطعم سمكوزا بالنسبة لي أعتبر سمكوزا أفضل مطعم يقدم مأكولات بحرية بوصفات وتطبيقات أهل البيت ، كل الوصفات تخص ست بيت حجازية فنانة ، وتحس بنفسها في الطبخ في الأطباق المقدمة . والأسعار ممتازة مقارنة بأسعار مطاعم الأسماك الثانية اللي تقدم مساوى مُقارب . وياريت عندهم جلسات داخلية ، لكن المطعم حجمه صغير وهو مشروع صغير حالياً وان شاء الله نشوفهم يكبروا اكثر وينتشروا في كل مكان . وغير كده هما اول مطعم يقدم خدمة الطبخ الحس المباشر عندكم في مكانكم سواء قلي او شوي او تحمير في الفرن ، او كل شيء مع بعض ، عشان تاكلوا اكل فريش وحار ياقدم مباشرة لكم ولضيوفكم 😎💗 . السمك المقلي عندهم مضبوط 👌 ،

وأنصحكم بالهامور أو الناجل الحر أو الطرادي أو الكنعد اللي يكون متوفر أحياناً . عندهم ثلاثة أنواع رز (صيادية وأحمر وأبيض) ، واحياناً يعملوا معدوس او حسب الطلب المُسبق . وأقولها بكل ثقة وتحدي ، ان رز الصيادية والرز الأحمر وحتى الأبيض هو أروع رز ممكن تاكله في حياتك في مطعم سمك في جدة وممكن في السعودية . لون الصيادية غامق مضبوط ، والنكهة قوية وماسكة في الرز ، لدرجة اني احياناً أطيح في الصيادية مع سلطة الطحينة لوحده كده من قوة لذاذته 😋 . ونفس الكلام ينطبق على الرز الأحمر مع اختلاف لونه ونكهاته ، وتحس انه طبخ بيت مضبوط 👌 . اما المشويات من سمك وجمبري يا سلام عليها 😋 . والجمبري المقلي عندهم نوعين ، النوع العادي المقشر والمقلي عليه بهارات بعد ما ينقلي . والنوع المُفضل عندي جمبري بانيه ، وهو جمبري مفرود ومغطى بالبقسماط وعليه بهارات بعد القلي ، بصراحة حاجة من الآآآآخر ❤️😋❤️

التقرير الثالث

مطعم ممتاز وكررت الزيارة له صراحة اكثر من مرة ومازال محافظ عالطعم والجودة 👍🏼👍🏼فيليه السمك عندهم بتتبيلة خاصة اسطوري صراحة 👍🏼