مطعم ‏‎بنجاب قريل ‏في جدة

مطعم ‏‎بنجاب قريل ‏في جدة

 ‏‎للأفراد والعائلات بدون ساتر

‏‎أوقات العمل : ١ ظهراً – ١٢ ليلاً ‏‎

حسابهم : @punjabgrill_sa

‏‎الموقع : مبنى أسكوت – شارع ثارق قبل ستارز افينيو
.
.
‏‎الطلبات مع الأسعار بشكل عام
‏‎المقبلات ‏‎سلطة الأفوكادو وجوز – كباب الشمندر ‏‎البروكلي تندوري – ألو تكي – شامب تاجدار
‏‎الأسعار : ٤٤ – ٤٦ ريال ‏‎العصيرات ‏‎عشق الرمان – بيري بيري – بيني كولادا – موهيتو

‏‎الأسعار : ٢٤ – ٣٢ ريال
‏‎الأطباق الرئيسية ‏‎ساق الخروف – جمبري بجوز الهند – دجاج بالزبدة ‏‎برياني خضار – عدس ‏‎الأسعار : ٤٨ – ٩٨ ريال ‏‎الحلى ‏‎كولفي بالتين ‏‎راسمالاي التمر ‏‎قولاب جامون
‏‎الأسعار : ٣٨ – ٤٠ ريال .
.
‏‎الرأي الشخصي ‏‎أجواء المكان والخدمة ممتازة ‏‎كل الأطباق جميلة لكن الي ناسبني أكثر ‏‎دجاج بالزبدة وطبق البروكلي وأيضاً
‏‎جمبري بجوز الهند ‏‎ولا تفوتكم العصيرات لذيذة جداً 👍🏻👍🏻
‏‎يستاهل التجربة والتكرار ✨❤

مطعم ‏‎بنجاب قريل ‏في جدة

اول ما دخلناه على طول جانا احساس “لقد وقعنا في الفخ” ! 🤗🌚😂
عشان كان واضح من ديكور المكان والترتيب انو مكان شويتين غالي !
وكان توقعنا في مكانو 💔😂💸
بس هل يا ترى يستاهل !؟ خلينا نشوف
.
طلباتنا كانت:
. – سمبوسك تريو تلاته حبات بـ ٤٨ ريال 💸🌚 محشيه دهب “هنا مزحه” .. قصدنا دجاج بطاطس لحم جبنه وتوت بري طعم مميز ومختلف وجدا لزيز الصراحه – برياني دجاج ممتاز ومغطى بـ عيش مخبوز طازج بـ ٦٠ ريال
. – دجاج كاداي بـ ٦٤ ريال 👌🏽😋
– بتر تشكن الطبق الهندي المشهور ممتاز ولزيز بـ ٦٤ ريال
– باتي دا مورغ بنديوالا “اللي يطلبو يصور نفسو وهو يقول الاسم !🌚” دجاج متبل ومشوي بالتندور بـ ٦٦ ريال لزيز ما يحتاج شايفين الاسم انتو !؟ 🌚😂
.
المكان زي ما قولنا مرتب 💸 الخدمه ممتازه 💸 مع انو جديد بس عدد الزوار كويس وهادا شي فاجاءنا
بس الحق يقال لزيز ونضيف الاكل يتعمل قدامك والخبز يتخبز قدامك كلو فريش ! 😌

مطعم ديكوره و جلساته ظريفه و العاملين بشوشين و تعاملهم جميل.
الأكل على مستوى عالي و ممتاز جدا و بالنكهه الهنديه الأصليه اللذيذه.
في البدايه تقديم من المطعم اول ما جلسنا ضيفونا با البوبر (pappr ) مع 2 من انواع الصلصله واحد حراق باللبن و التاني تمر هندي. ضيافه جميله.
طلباتنا :
– ريش لحم تاجدار ( chaamp tajdaar) ب 82 ريال
مرره طريه و متبله بنكهه لذيذه و مشويه بطريقه ممتازه و لكن مفلفله يصلح للي يحبو الحراق. طلبنا انه يكون بدون فلفل و لكن قال تيجي متبله و جاهزه و ما نقدر نخليها بدون فلفل. – ايدام ربيان دبها (dhaba prawns) ب 96 ريال
طبق اتعب و اقول عليه لذيذ الايدام مزبوط و الربيان اللي فيه طازج و معاه حبات رمان اضاف نكهه مميزه صراحة عجبني مره و لكن سعره غالي
– دجاج تكا الثلاثي (chicken trio tikka) ب 59 ريال
رهيييبه صراحة و استمتعنا بيها طريه و جوسي و تتبيلتها جميله
– سلة جريل للخبز (punjab grill bread) ب 14 ريال
4 انواع من الخبز . روتي عادي و نان عادي و نان بالثوم و شباتي لذيييذ جدا و بالذات الشباتي مزبوووط بالسمنه 100%
– سلطة لبن بالخيار (raita) ب 22 ريال
لذيذه و فيها طعم كمون واضح.
المشروبات:
– عصير ليمون بالنعناع ب 20 ريال
سلشي و منعنش و مزبوط
– لبن (lassi ) مالح ب 22 ريال
الطعم مزبوط و لكن كان ناقصه ثلج و بروده و سعره غالي صراحة على كاسة لبن.
– سفن اب ب 10 ريال
– مويه صغيره ب 10 ريال 😖
المجموع كامل ب 355 ريال.
تقييمي للمطعم صراحة كله على بعضه 10/10
المطعم يستحق التجربه للتذوق للنكهه البنجابيه الهنديه اللذيذه و كل شي مشهي.
صحيح الاسعار مبالغ فيها و لكن للامانه طلعنا و احنا مبسوطين.

About the author

غارة

Leave a Comment