كافيهات جدة

مطعم غزل اللبناني في جدة

Written by لبنى احمد

مطعم غزل اللبناني في جدة

مطعم غزل اللبناني في جدة

الروضة شارع سعود الفيصل
عند كوبري المربع
يوجد قسم للعائلات جلسات داخلية و التراس وقسم للافراد


كانت زيارتنا اليوم لمطعم غزل اللبناني في شارع الامير سعود الفيصل
وكان الفطور عبارة عن
فطور غزل ( عبارة عن فلافل و فول و شكشوكة و لبنه و جبنة مع خبز و شاي) بـ٤٩ ريال
و مناقيش
٢ عصير برتقال ” مره فرش ”
والشاهي كان جنااااااان
الفطور كان جداً لذيذ واجواء المطعم جدا جميلة

والخدمه ممتازه و ان شاء الله أكرر الزياره
.

مطعم غزل اللبناني في جدة

مساء الأنوار و صباح الخيرات و تقرير جديد لأحدث المطاعم اللبنانية بجدة ولا تنسوا تاخذوا لفة ع الصور عشان تشوفوها بشكل أوضح

اسم المطعم
غزل

حسابهم ع الانستغرام
@chezghazal

عنوانهم
حي الروضة – شارع سعود الفيصل – بجوار الكبري المربع .
.

يعتبر مطعم غزل أحد أحدث المطاعم اللبنانية بجدة موقعهم مميز و يقدمون أطباق مميزة لبنانية و عالمية أنا جربت عندهم أطباق كثيرة بس في هذا التقرير راح أسرد الأفضل حسب تجربتي .
.

في البداية يقدموا كضيافة طبق البيسيتا الإيطالية وهي عبارة عن شرائح خبز عليها طماطم و جبنة بارميزان و ريحان .
.

شوربة البروكلي : حبيتها عندهم بصراحة فيها نكهة لذيذة ومسوينها بطريقتهم حاطين كريمة و جبنة معطيها نكهة جميلة
سعر الطلب: ٣٠ ريال .
.

قصبة دجاج : عبارة عن كبدة دجاج مقلية مع دبس الرمان طعمها جميل ولذيذ
سعر الطلب: ٣٥ ريال .
.

حلقات البصل : اللي يحب حلقات البصل لازم يجربها عندهم شيء لذيذ و طعمها ممتع ،، طبعاً ما أعتبرها أفضل حلقات بصل بجدة بس ممكن أحطها ضمن الأفضل
سعر الطلب: ٢٥ ريال .
.

حمص بالطحينة : طعمها جيد وحبيت هذا الطلب ضمن المقبلات الباردة
سعر الطلب: ٢٥ ريال .
.

فيليه سمك مشوي : قطعة من فيليه السمك المشوية بامتياز ويقدم معاها البطاطس المقلية و صوص الليمون ،، عجبتني تتبيلة السمك وحبيت هذا الطلب
سعر الطلب: ٧٠ ريال .
.

كوردن بلو الدجاج : من الأطباق الغربية اللذيذة في مطعم غزل وهو عبارة عن صدر دجاج محشي بالحبش المدخن والجبنة ويقدموه مع كريمة الألفريدو
سعر الطلب: ٦٥ ريال .
.

مشاوي غزل : هنا المتعة الحقيقية مشاوي مشكلة طرية و تتبيلة ممتازة وهذا الطبق مكون من تشكيلة من أوصال اللحم و كباب الدجاج و الكستلاتة و الطاووق المشوي شيء رهيب
سعر الطلب: ٧٥ ريال .
.

الحلا كان عبارة عن مفروكة فستق : حلى لبناني بامتياز عجبني
سعر الطلب: ٣٥ ريال .
.

المطعم عندهم قسم أفراد و قسم عائلات بدون بارتشن
ومتوفر عندهم مصعد و للأسف ممنوع دخول الأطفال بعد الساعة ٨ مساء
وكمان عندهم التراس خارجي لمحبي التدخين و الشيشة
بالنسبة لي تجربة ممتازة و حتتكرر أكيد
وأسعارهم منافسة جداً و أعتبرها متوسطة .
.

نشوفكم في تقرير قادم

Advertisement

About the author

لبنى احمد

Leave a Reply

%d bloggers like this: