الموقع: شارع الامير سلطان بعد دوار القبضه باتجاة الجنوب مقابل قصر الامير سلطان
يستحق التجربة حقيقه.
..
مطعم دار القمر للمأكولات اللبنانية
التقرير الثاني لمشاركة المتابعين
مرحبا صبايا و شباب 💁 اليوم حبيت اقييم مطعم دار القمر في منتجع بيلاجيو 🌴
منتجع بيلاجيو في كورنيش جده
المكان رائع و جميل و يشرح النفس و بالذات ان جو جده دي الايام حلو و مايتفوت 😍
رحت يوم الجمعه للاسف كانت الساعه ٤ ونص العصر بداية الزحمه 😥 قلي انتظار ساعه و نص ،، الغريب انو كان فيه طاولات فاضيه كتير بس مافهمت الحكمه من تكديس الناس و الايحاء بأن المكان زحمه و انتظار ،، بصراحه صاحبتي اللي كانت معايا بعد نص ساعه انتظار وقفت على راس الويترز و صارت تقولهم انا شايفه نص الطاولات فاضيه 👀 الين رضي يدخلنا 😌
و كان باقي ع المغرب تقريبا ٤٥ دقيقه و لما طلبنا طلباتنا قلنا حانزلها لكم بعد المغرب 😕 طيب لسه فين المغرب ؟؟ المهم برضو جلسنا على راس الويتر الين نزل طلبنا قبل المغرب
الطلب كان : سلطة سيزر ٨/١٠ على كلام اللي اكلوها
كبه مقليه ٩/١٠ انا تعجبني كبتهم ولازم اطلبها كل مره
فيتوتشيني بالدجاج ٩/١٠
شوربة كريمه بالدجاج و الذره ٩/١٠
٢ عصير ليمون ونعناع منعش كالعاده
عصير فراوله
قارورة مويا كبير من ايڤيان
شوكليت فوندون يقدم مع الفواكه و المارشميلو 😋 ٩/١٠ انصح الكل بتجربته
اسعار الاطباق مقبوله .. بس هوا اجباري على الشخص ١٠٠ ريال اذا على الجهه البحريه و ٨٠ ريال اذا جوا شويا
مااذكر الحساب كم كان بس كنا ٤ اشخاص فاعتقد انو ٣٢٠ ريال
التقييم العام :
المكان و الجو العام ٩/١٠
النظافه ٧/١٠
الخدمه كانت سيئه نوعا ما ٥.٥/١٠
الاسعار ٧.٥/١٠
جودة الاكل ٩/١٠
ماكانت الزياره الاولى للمطعم و ماراح تكون الزياره الاخيره ان شاءالله 😄 .
