مطعم بارسيلوس

مطعم بارسيلوس

التقرير الأول لمشاركة المتابعين

 

تقريري اليوم عن مطعم بارسيلوس أول فرع له في جده وله تقريبا اسبوعين من افتتاحه
مكان المطعم إعمار سكوير
طلباتي كانت
🔴 سيزر سلط ب الدجاج لذيذه والدجاج طري وأحلى شي إنّو اقدر اختار الصحن اذا صغير او كبير الصغير سعره تقريبا (٣١)
🔴 دجاج اسبيتادا (سيخ قطع دجاج مع طماطم وبصل وفلفل رومي)ويجي معاه طبقين جانبي من اختيارك انا طلبت معاه أرز مبخر وحلقات البصل السعر (٥٩)

مره كان لذيذ الطبق الدجاج طري مررره
🔴 بيتا دجاج عباره عن دجاج وخضار وماشاءالله الكميه داخل الخبز كثيره

( ما جربته لاكن اللي معاي يمدحوه ويجي معاه طبق جانبي اخترت فوتشيني كانت عاديه السعر ما اذكر صراحه بس حدود تقريبا (٣٦)
🔴 دجاج مقرمشه ومعاه طبق جانبي اخترت بطاطس مقلي ما أذكر السعر
🔴 برجر دجاج كان عادي 🔴 المشروب كلاسيك مارجريتا (عصير ليمون با النعناع ) باااارد السعر(١٧)
مجموع الطلبات (١٩٠)
التجربة كانت جميلة ومن المطاعم اللي ان شاءالله راح تتكرر

مطعم بارسيلوس

التقرير الثاني لمشاركة المتابعين

ريڤيو لزيارتي للمطعم الجديد بارسيلوس | اعمار سكوير حي الفيحاء
.
.
واحد من سلسلة مطاعم بارسيلوس العالميه بمفهوم برتغالي و اطباق من جنوب أفريقيا ، افتتح في جده قبل ٣ اسابيع تقريبا ومازال افتتاح تجريبي لأول فرع في و السعوديه والافتتاح الرسمي الشهر القادم .
.
كانت زيارتنا في النهار الساعه ١ الظهر للغداء
المطعم كبير و شرح و الجلسات واسعه
الديكور كاجول المنيو متنوع
الخدمه جداً ممتازه و سريعه التعامل لطيف
الطلب ما اخذ وقت و وصل عالطاوله .
فكرة الصوصات البرتغاليه عالطاوله جداً جميله ، ٤ انواع من صوص البيري باختلاف نكهاته و درجات الحراره
اكثر شي حبيت فيري بيري و تانجي ليمون حرارتها متوسطه و فيها نكهه حلوه 😋✨ .
.
طلباتنا:
– سلطة سيزر “جداً لذيذه و كميتها ممتازه قدمو معاها صوص اضافي للي حاب يضيف” | حجم عادي | ١٨ ريال
– شوربة كريمة الدجاج و الفطر “طعمه الشوربه” | ٢٠ ريال
– شوربة خضار بالدجاج “طيبه لكن شوربة كريمة الدجاج اطيب 👌🏽” | ١٧ ريال
– ساندوتش بريجو ستيك “ساندوتش ستيك بخبز برتغالي مع صوص البريجو و البصل المشوي ، الساندوتش لذيذ و طعم الشواء فيه واضحه ، يتقدم مع طبق او طبقين جانبيه ، انا اخترت طبقين ، حلقات بصل و بطاطس مهروسه و كان الطلب بشكل عام لذيذ” | ٥٤ ريال
– دجاج اسبيتادا “مكعبات دجاج مشويه مع مكعبات فلفل و بصل مع تتبيلة + طبقين جانبين من اختيارك من بين قائمه ، طلبنا طبق جانبي باستا مع صلصة ريليش الطماطم ، الطلب ذا كان ممكن يكون ألذ لو انضافت له نكهه او تتبيله اضافيه | ٥٩ ريال
– كلاسك مارجريتا + ستروبري مارجريتا ، منعششه جداً و بارده و لذيذه | سعر الواحد ١٧ ريال .
.
و نشوفكم على خير ✨🙏🏼
.

Advertisement

About the author

غارة

Leave a Comment