المطعم الياباني غينزا

  • نشر في: 31 أغسطس، 2018
  • بواسطة:
مطاعم و كافيهات الخليج
المطعم الياباني غينزا

المطعم الياباني غينزا

المطعم الياباني غينزا

التقرير الأول لمشاركة المتابعين

تقييم للمطعم الياباني غينزا بفندق الروزود
من متابعنا فضل عدم ذكر اسمو
‏Ginza I Chome‬
مطعم ياباني في الروزوود نقدر نصنفه كأفضل واجمل وأطيب مطعم ياباني في جدة.
السوشي جداً لذيذ ومتعاونين لو حبيت تبدع في طلبك شي ح يتنفذ بكل اريحية، السوشي هذا كان سبشل كاليفورنيا طلبت منهم يعملولي هوا اكسترا سبايسي ولأول مرة مطعم ينفذلي طلبي هذا بالشكل المحترف دا حطوولنا بودرة الفلفل جوات السوشي الططططيب وطلع طعمو يجنن بمعنى الكلمة.
الادمامي لذيذ وفريش ماتحسوه مثلج وبايت زي اغلب المحلات
الإستكوزا تمبورا الي ممكن انا وزوجي لو جينا المطعم دا كل يوم حنطلبها كل يوم لكن طبعا 💸💸💸💸💸
ف مرة واحدة في الشهر ممتازة🤭😂
تجربة لااااابد تجربوها حيجبلكم الاستكوزا حي يوريكم هوا بعد عشرين دقيقة ربع ساعة حتشوفوه بالمنظر هاذا 😂🤭 الصراحة شي لايعلى عليه قد ماتذوقت في حياتي تمبورات واستكوزات الاستكوزا تمبورا هاذي مالها مثيل وتستاهل كل رييييييال ، سعرها كان 380 او شي في هذا الحدود. اللحم جدددداً ممتاز وطري ومستوي ومبهر وكل شي بس للاسف جانا بعد الاستكوزا ف ماااقدرت اكمل اكتر من لقمة ذواقه 😂💔 للامانة الرز مع الاستكوزا والسوشي يبشموك سعادة وشبع 💕😂 لكن المطعم طبعاً يصنف غالي ، ف روحوه في مناسباتكم الجميلة والخاصة.
الطلبات هذي + شوربة طيبة وجك سعودي شامبين .. كلفتنا 1100 ريال تقريباً
يستاهل جددددداً لوقت مميز وخاص.. زيارتي له كانت احتفالاً بعيد زواجي وكان مناسب ورايق ورومانسي وفيه خصوصية جميلة .. باختصار
يستاهل منكم زيارة ي عشاق الياباني والسوشي 🥢🍣🍱❤️
الطلبات كانت تكفي 4-5 اشخاص بمعنى لو طلعنا القلزم او الاماكن البحرية الي في جدة، حناكل بنفس السعر اذا مو اكثر.
المطاعم اليابانية معروفة بغلاء اسعارها لكن جودة بعضها تصنفها كلأفضل.
.