كافيهات جدة

مطعم ماكروني غريل في جدة

Written by لبنى احمد

مطعم ماكروني غريل في جدة

اليوم راح احكي لكم عن تجربة الغداء في مطعم ماكروني غريل

  بشارع التحلية قدام مركز التحلية طبعا انا لما اسمع مطعم ايطالي عيوني تصير زي كدا 😍😍
وصلنا انا واختي على الساعة 2 ظهر 🕑وكان في عائلات اخرى بس الجو كان هادئ ورايق
يجيبوا لك ضيافة من عندهم خبز ايطالي جميل مع زيت زيتون وفلفل ….

وتقعد تتسلى ترسم على طاولاتهم حاطين اوراق والوان

مطعم ماكروني غريل في جدة


مااخدت وقت كثير الطلبات
طلبنا سلطة سيزر اعطيها 10/10 مرة لذيذة وفريش وفيها شيز طعمه جميل جدا
وطلبنا مااعرف ايش اسمها باستا بالمشروم والصوص وكمان فيها شيز كانت يمي يمي  جدا لذيذة وانصحكم تجربوها اعطيها 100/10 تستاهل
وطلبنا كمان مااعرف ايش اسمه صدر دجاج مشوي ومعاه سباغيتي بالصوص كمان كان لذيذ وماهو ناشف بس بالنسبة ليا كانت السباغيتي ناقصة شوية ملح اعطيها 9/10
وطلبنا حلى التيراميسو هذا لو جابوا لي صحنين بأكلهم واخرب الريجيم بدون مااحس بالذنب قمة اللذاذة لازم تجربوه بجد رهيب وحلاه موزون اعطية 10/10
مشروباتنا كانت بيبسي الكاسة مرة كبيرة ماقدرنا نكملهم 🍺
الويترز كانوا بشوشين وكل شوية يمروا يسألون اذا ناقص شئ او في شئ مو عاجبنا وكان في واحد يغني بس صوته حلو صراحة

مطعم ماكروني غريل في جدة

 

Advertisement

About the author

لبنى احمد

Leave a Reply

%d bloggers like this: