كافيه كوب وكنبة بجدة (الاسعار +المنيو +الموقع)

  • نشر في: 14 سبتمبر، 2021
  • بواسطة:
مطاعم و كافيهات الخليج
كافيه كوب وكنبة بجدة  (الاسعار +المنيو +الموقع)

كافيه كوب وكنبة بجدة  الكوفي جدا راقي والموظفين مرا كويسين وتعاملهم مع الزباين مرا ذوق وصوت الاغاني مو مرا مرتفعه ❤️‍🔥 ينفع جو مذاكره او شغل والاسعار متوسطه 🤩

  • الأسم : كافيه كوب وكنبة – Cup & Couch Cafe and Roastery
  • التصنيف : عوائل – أفراد
  •  النوع : كافيه
  •  الاسعار : مناسبة
  •  الاطفال : مسموح
  • بارتشن: لا يوجد
  • الموسيقى :  يوجد
  • أوقات العمل : 6:30AM–11:30PM
  • خرائط جوجلللدخول الى الكافيه عبر خرائط جوجل  اضغط هنا
  • صفحه الكوفي على انستقرام: للدخول اضغط هنا

عنوان كافيه كوب وكنبة بجدة

اليمامة، السلامة، جدة

رقم كافيه كوب وكنبة بجدة

‏‪+966 59 727 3474‬‏

كافيه كوب وكنبة بجدة

افضل ما يقدمه الكافيه

 

كافيهات جدة

منيو كافيه كوب وكنبة

بصراحه المحل حلو ومريح و تعامل الموظفين راقي و هاديء و كيكة الليمون مره لذيذه حبيتها و اضطريت اخذها معايا للبيت 😍

 

منيو كافيه كوب وكنبة بجدة

 

 

منيو كافيه كوب وكنبة

اراء المتابعين

التقرير الأول 

يفتحوا يوميا من ٦:٣٠ الصباح ل ١٢ الظهر
ومن ٥ الى ١١ مساء
يوجد قسم للافراد و قسم للعائلات

اسم المكان : cup&couch

الطلبات : لاتيه بحليب جوز الهند ، وقهوة كيمكس
الاسعار: معقولة جداً الاجمالي تقريبا خمسين

التقييم ١٠/١٠ ، نظافة ، خدمة ، جودة القهوة

يوجد مكان عوائل في الطابق العلوي

ايضاً مكان للافراد
المكان رايق جداً خصوصاً في النهار

ايضاً عندهم عدة انواع من الحلويات ،
والمُميز منها سينامون

مايتميز به :
يتميز في تواجد عدة العاب وافكار لـ التسلية اثناء شُرب القهوة لذيييذ بشكل مو طبيعي

التقرير الثاني 

الموقع حي السلامة – شارع اليمامة بجوار بريك تايم
يفتحوا يوميا من ٦:٣٠ الصباح ل ١٢ الظهر
ومن ٥ الى ١١ مساء
يوجد قسم للافراد و قسم للعائلات ولا يوجد بارتيشن
كافية cup and couch

مكان تحس فيه أنك في بيتك بس بتشرب قهوة ممتازة وأجواء رائعة وأنصح بحلوى البراوني شكولات بالفراولة وخلي حمزة يسخنها بالمكرويف هاذي وصفتي السرية?
.
الطلب كان

كوكونت كابتشينو
وبراوني سترابري شكولات كيك

الكابتشينو مميز بقهوة محمصة فريش وغنى بنكهة جوز الهند السعر ٢٨ ريال

الكيك يتم تسخينة في المايكرويف لتذوب الحشوة المكونة من الشكولاته الداكنة ويبقى قوام الكيك الهش والمقرمش من الخارج ليعطي نكهة مميزة لا تقاوم السعر ٢٠ ريال

التقرير الثالث 

تجربة كب اند كاوتش
.
فلات وايت كيكة الحليب
الحساب ٤٣ .
الكبكة لذيذه متشربة الحليب و طعمها
غني حبيتها مره حقت شخص واحد مره
صغيره الفلات وايت عاديه ذقت افضل
منها المكان حق دراسه مدري ليه احس
كذا لما ادخله هادي مره ☕️.

التقرير الرابع

اول مره أجي المكان. محمصة ومقهى. المكان صغير وفيه إستغلال عجيب للمساحات ولكل متر موجود. الديكور و ألوانه وترتيبه مريح للعين خصوصًا فترة النهار. جربت إسبريسو أوغندي كان لذيذ جدًا، حمضي وإيحاء فاكهي واضح جدًا.

ربمّا استغرق تحضيره ١٠-١٢ دقيقة و انا الزبون الوحيد فاستغربت لكن لعلّه كان يسوي معايرة لمكينة الإسبريسو. المكان أنيق و ينفع لشخص عنده مهام ويبحث عن مكان هادىء, يقدم قهوة لذيذة في الصباح. هل أرجع له مره اخرى؟

نعم. هل أوصي فيه؟ نعم. ٤ نجوم للتأخير في تحضير اسهل مشروب قهوة بدون تبرير منطقي. وفقهم الله 🤍☕️

التقرير الخامس

مقهى السنترال بيرك حق فريندز!

المقهى صغير وينفع للعمل وما يصلح كثير للسهر والسواليف بالذات أنه يقفل بدري ١١ ونص. مسوين قسمين منفصلة تماما، الشباب عن البنات واللي خلى المكان يسير أصغر.

العاملين والجمهور كانوا أغلبهم شباب وبنات صغار في السن. طلبت كولد برو وكانت جيدة وسعرها متوسط أظن ب ٢٦. الجلسات تلحق يا ما تلحق عددها قليل وداخلة في بعض. في البداية كان زحمة جلست في البار لحالي أنتظر صديقي وحاولت أقضي الوقت وأتكلم مع العاملين بس ما أعطوني وجه 😅 كانوا مشغولين مع العاملين في القسم الثاني. بعدين فضيت جلسة حلوة ومريحة كنبة كبيرة في النص.

حلو المكان وأعتقد لو أحد عنده شغل في اللاب توب ولا حاجة معينة يجي هنا بس لو إجتماع ولا فيه موضوع معين يتكلم فيه مع أحد فهو خيار غير جيد. ترتيب الجلسات وطريقة الديكور كأنك في ايفنت إجتماعي ولا نادي قراءة. بصراحة ما كان فيه ولا أي إجراء احترازي حتى بصراحة ما سألوا عن توكلنا

التقرير السادس

من المحامص اللي ياحظ جده فيها ، مرتين انزل جده واخذ 6 محاصيل ✅👌🏼 القهوه لذيذه والبن لذيذ ، الجلسه مريحه ورايقه وهاديه ، في الصباح الشمس تعبي المكان ومع ريحه البن 👏🏻💖.

التقرير السابع

المكان رايق وحلو ومن افضل المقاهي والمحامص اللي زرتهم 🤩 كنت رايحة اخذ بُن والموظف مره متعاون معي ونصحني ب Mama’s Blend وطلبتها لاتيه عشان اجربها وافضضضضل بُن جربته على الاطلاق القهوة لذيذة وطعمها كلاسيك مررره ، اشكر الموظف والبُن والمقهى بكبره ❤️❤️❤️❤️❤️

 

كافيهات جدة