كافيهات جدة

 مطعم بلو أوشن في جدة (السعر +المنيو +العنوان)

Written by raid

 /الاسم: بلو أوشن 

blue-ocean

أوقات العمل: من 12:00 ظ  حتى 2:00 ص

Advertisement

 التصنيف: افراد وعائلات

 النوع:مطعم 

  الجلسات:  داخلية وخارجية

 الاسعار: مرتفعة

الاطفال: / مسموح
البارتشن: لايوجد

 

مطعم بلو أوشن في جدة

 

مطعم بلو أوشن جدة

 عنوان مطعم بلو أوشن جدة

على البحر ب فقية اكواريوم

اضغط لخرائط جوجل

التقرير الأول لمشاركة المتابعين

في الحقيقة هو مطعم وليس كوفي
ولكن لقلة الاماكن النظيفة و الجميلة على البحر
نذهب له أحيانا ليس للاكل ولكن لقضاء بعض الوقت
مع شرب القهوة او بعض من عصائرهم الجميلة

عصيراتهم لذيذه

اللي في الصوره الاولى فوق :
عصير اسمه واو واو
و هو خليط من الشمام و الخوخ و المانجو
و عصير بلو أوشن
خليط من الكركاو الازرق و الخوخ و الأناناس
سعر العصير الواحد 19 ريال
وكذالك فطيرة التفاح سعرها 35 ريال

 مطعم بلو أوشن بجدة

التقرير الثاني لمشاركة المتابعين

أتوقع العصير بلو أوشن هو الشي الأساسي اللي ينطلب، ولا كيف 😁 .

بسم الله أبدأ .. المطعم/ بلو أوشن
الموقع/ في فقيه أكواريوم في الكورنيش .. 💙🌊
يفتح من 1 الظهر لحد 2 الليل .. مُطل ع البحر رايق و هادي

و الويترز بشوشين و خلوقين و الجلسات حلوة مرة ..

و في مُصلى برا -أحترم الأماكن اللي فيها مكان صلاة- 🌹😊

في جلسات مغلقة و جلسات مفتوحة 💚 كنا شخصين و وصلنا قبل 1 الظهر و استقبلونا بصدر رحب 😁 صحونهم مرة كبيرة تكفي و زيادة
الطلبات كانت كالآتي /
*2 عصير بلو أوشن، كان لذيذ و مُشبع لكن حلاه جدا زايد و المطعم أتسمّى باسمو
سعره 19 ريال.

*ديناميت شريمب Dynamite Shrimp .. فكرتو يطلع مقرمش لكن لأ.. كبير و لزيز و الصوص سبياسي
سعره 40 ريال * بيج تكساس باربكيو تشيكن سالاد:
الصحن كبير ما شاء لله و جا معاها صوص باربكيو

و صوص تاني ماعرف ايش اسمو فيه طعم حموضة يشبه الحُمَر -التمر الهندي- مرة مرة مرة طعم
سعرها 45 ريال.

*الطبق الرئيسي(كاريبيان تشيكن شريمب
يْقدم مع رز أبيض … مرة رائع و لذيذ و كل شي .. فيه طعم مِزْزْ -سكر و مالح كدا-

و طعم جوز هند و فول سوداني لمسة بسيطة، طعمه غريب لكن انصحكم تجربوه 👌
سعره 75 ريال *كاجو لينقويني تشكين …

مكرونة من النوع اللوقيني مع الفريدو صوص جيدة جدا
سعرها 45 ريال

و شكرا جزيلا❤ ما أحب احط تقييم بالأرقام 😪 .

 مطعم بلو أوشن جدة

التقرير الثالث لمشاركة المتابعين

تقيم من مطعم بلو اوشن في اكواريوم فقيه

طبعا كان وقت غدا وايام دراسه والمطعم مافيه الا احنا وطاوله ثانيه

المهم استقبالهم كان جدا ممتاز بشوشين

طلباتنا كانت

ميني برقر كان عباره عن ٤ ميني برقر وطعمه جدا لذيذ والخبز جدا طري ولذيذ سعره كان ٤٥ريال تقريبا

– وطبق باستا كان عباره عن باستا وفوقها قطعتين دجاج مقلي مقرمش وطعمه لذيذ جدا الصوص كان حالي وكان طعمه لذيذ سعر الطبق ٧٠ريال تقريبا

الطبق الثالث ذا اللي في الصوره مااعرف ايش اسمه بس هوه معكرونه مع قطع صدر دجاج طعمها بعض الشيء حلو بس مو زي الباستا سعر الطبق مااتذكره

-المشروب كان ٤كولا سعر الواحد ٨ريال بدون تعبيه مره

اخرى مع العلم انو قبل شهرين زرتو وكان التعبيه مرتين للمشروب

الايجابيات :الخدمه مررره جيده والعاملين بشوشين وسريعين وترحيب مستمر والاطباق طعمها لذيذ.

بالنسبه للسلبيات كانت في تاخير طلب الميني برقر عن الطلب يمكن بنص ساعه

وبالنسبه للاسعار شويا مرتفعه بس بالنسبه لكمية الطلب مناسبه لانو الطلب ممكن يكفي شخصين

احنا كنا ٣اشخاص والفاتوره طلعت ١٩٩ 

في الختام المطعم ككل اعطيه نسبة ٩/١٠

منيو مطعم بلو أوشن

منيو مطعم بلو أوشن

تقييم مطعم بلو أوشن في جدة

9/10

أفضل مطاعم جدة على البحر

Advertisement

About the author

raid

Leave a Reply

%d bloggers like this: