مطعم رينجرز برجر

مطعم رينجرز برجر

التقرير الأول لمشاركة المتابعين

الموقع :

المحمدية – طريق المدينة قبل كبري الصالة الشمالية

حساب المطعم على انستجرام
@rangers_burger

من افضل مطاعم البرقر بجدة صراحة
و بعطيكم تقييمي عالاكل اللي طلبته
١- رينجرز برقر وجبه تتضمن بيبسي و بطاطس مقليه …. ٣٤ ريال.

٢- فايري رينجرز برقر -سبايسي- مع الوجبه بنفس السعر … ٣٤ ريال.
رينجرز داينمايت شريمب …. ٣١ ريال.

افينجر فرايز ( بطاطس بالجبنه واللحم و الهالبينو) ١٨ ريال.

و تقييمي له ٩/١٠ 👍🏼

مطعم رينجرز برجر

التقرير الثاني لمشاركة المتابعين

كنا راجعين من الشغل و قررنا نفطر برا انا و صحبتي
شفنا عرض رينجرز برجر و قلنا نجربه

بصراحه كان مره ممتاز واختيار مررره موفق

طلبنا العرض حق الافطار (سلطه، شوربه، برجر من اختياري مع بطاطس، تمر، قهوة، سمبوسه، مشروب غازي، ماي)

البرجرات طلبنا
بيتزا رينجرز برجر كان لحم و عدلنا فيها الجبنه من دون اسعار اضافيه، تقييمه

10/10 وحسب كلام صحبتي الخبز يذوب بالفم و اللحمه مره طريه و الصوص رهيب
و الدجاج 52 برجر كان مرره ممتاز تقييمه 9/10
و السمبوسه كانت 3 حبات خضار ولحم مفروم

والسلطات من اختيارنا طلبنا سيزرز مرررره لذيذ و تاكو وحجمها مره كبير ويشبع جدا وصوص اضافي
الغريب انه دايما نسمع اعاده تعبئه المشروب ولكن هنا حتي الشوربه وكان بصراحه لذيذه جدا “كريمه بالمشروم” 10/10
الوايترز والخدمه مره ممتازه و بشوشين و يعطوك اقتراحات مفيدة جدا اذا ماعندك خبره بالمطعم،

غير كده مرتبين في احضار الاكل بالاول ماي وتمر وبعده السلطات شوربه و بعده سمبوسه والبرجر ف كل حاجه كانت مرتبه جدا

ويتاكدو كل شويه اذا احتاج اعاده تعبئه .

الخدمه تاخذ 11/10 فعلا لان الوايترز حتى جدا جدا جدا طيبين

بشكل عام كل حاجه كانت ممتازه
المكان واسع وفي سيكشن عوايل و لكن الديكور بسيط ف اعطيه 8/10 .

Advertisement