مطعم بيج ويج في جدة

  • نشر في: 20 مايو، 2018
  • بواسطة:
مطاعم و كافيهات الخليج
مطعم بيج ويج في جدة

مطعم بيج ويج في جدة

مطعم بيج ويج في جدة

تقييم متميز من عباس

@abbasinho

تقريري اليوم لتجربة إفطار جديدة من أحد المطاعم المغمورة في جدة ولا تنسى تاخذ لفة ع الصور وتستمتع ♥️ .
.
اسم المطعم
بيج ويج

حسابهم ع الانستغرام
@bigwigburger

عنوانهم
جدة – شارع البترجي – مقابل المستشفى السعودي الألماني .
.

هذا المطعم من المطاعم المتميزة في تقديم البرجر بشهادة كثير ناس أعرفهم بس أنا شخصياً ما جربت البرجر عندهم و صادف معاي إنو عماد
@jeddah_r_c
يعزمني ع المكان لتجربة فطور فقلت يلا ليش لا .
.

منيو الإفطار عندهم ماخذ الطابع الأمريكي و الفطور الأمريكي المعروف اللي ما تلقاهـ إلا في قلة من المطاعم و هذه كانت تجربتنا و طلباتنا .
.

طبق بيج ويج الصحي : هذا الطبق عبارة عن تشكيلة من الفواكه الجافة مع الزبادي اليوناني و الموسلي مع المكسرات و العسل الطبيعي ،، تركيبة فعلاً صحية وفي نفس الوقت تكملة كامل الطبق تحسسك بالشبع ومناسب لأصحاب النظام الصحي
سعر الطلب: ٢٢ ريال .
.

أومليت بالجبنة : يجي بثلاث أنواع جبنة ( تشيدر و إيمنتال و موزاريلا ) ويجي على الطريقة الأمريكية ويقدموا معاه طماطم مشوية و هاش براون ولحم مقدد و السجق ،، عجبني هذا الطلب بس تمنيت الجبنة تكون نكهتها أغنى من كذا لأنو الطعم بكل أمانة كان مفتقر للنكهة وممكن السبب يرجع لإضافة جبنة الموزاريلا اللي كانت بلا أي نكهة ،، ووعدوني إنهم راح يشتغلوا على تحسين الطبق بطريقة أفضل
سعر الطلب: ٢٥ ريال .
.

ساندويتش دجاج بالبيكون : الدجاج بالبيكون واحد من الأطباق المشهورة و هنا في بيج ويج قدموه في ساندويتش رائع ،، التركيبة ممتازة و الدجاج كان مستوي و طري وماكان فيه أي قساوة ،، استمتعت حقيقة بهذا الطلب وكمان يقدموا معاه بطاطس مقلية
سعر الطلب: ٢٧ ريال .
.

بيج ويج غلاسي : كراوسون كبير محمص مع شريحة الديك الرومي وجبنة إيمنتال وكمان خس و طماطم ويقدموه مع البطاطس المقلية ،، هذا كان أفضل طبق أكلته في فطورهم إلى الآن ،، جداً حبيت الطبق وحبيت التركيبة و حبيت طعم الكراوسون و حبيت كل لقمة أكلتها مع هذا الطبق الرائع ،، المرة الجاية راح أقولهم بدون طماطم عشان يزبط معايا أكثر
سعر الطلب: ٢٨ ريال .
.

المطعم بكل أمانة مظلوم إعلامياً ونادراً ما تلقى أحد يكتب عنه أو يسلط الضوء عليه
وقت الفطور عندهم من الساعة ٧ صباحاً إلى الساعة ١١:٣٠ قبل الظهر
عندهم قسم أفراد وكمان قسم عائلات و المكان صغير ماهو كبير
وفعلياً بعد تجربة الإفطار يبغالي أجرب البرجر عندهم
المواقف صعبة في المكان فالله يكون في عونكم
وأي تفاصيل تبغوها عنهم تقدروا تشوفوا حسابهم اللي حطيته لكم فوق .
.

نشوفكم في تقرير قادم

مطعم بيج ويج في جدة