إكليل كافيه في جدة

إكليل كافيه في جدة

الموقع بحي الفيحاء في الجهه المقابله لقاعة اماسي
يوجد قسم للافراد و قسم للعائلات بدون بارتيشن
لايوجد معسل

.
زيارة لطيفة كانت لمقهى جديد اسمه إكليل المتواجد في حي الفيحاء🙏🏿
حسابهم عالانستجرام:
@ekleel.cafe

المقهى دور ارضي للشباب ودور اول للعوائل، جلسات مريحه و المكان واسع👍🏿
المقهى يقدم القهوة المختصة بالاضافة لمشروبات الاسبريسو

ما كان في زحمة وقت زيارتي فا كان الجو العام للمقهى جميل، هادئ

والموظفين محترمين ومتعاونين كمان❤

طلبت:
فلات وايت / ١٦ ريال
چلوتين فري شوكلت كيك / ١٧ ريال

الفلات وايت بالنسبة ليا كان ممتاز ومن يد الباريستا نضال
والشوكلت كيك كانت لزيزة جدا واخدت وحده تانيه وانا خارج💯


تجربة كانت موفقة والله يوفقهم ان شاء الله❤

إكليل كافيه في جدة

الموقع بحي الفيحاء في الجهه المقابله لقاعة اماسي
يوجد قسم للافراد و قسم للعائلات بدون بارتيشن
لايوجد معسل
.
صور و مشاركة جميلة من الرائعه
@l_o_t_y
.
إكليل كافيه..
@ekleel.cafe
قبل ما أتكلم عن أي شيء.. يفوز هذا الكافيه بموقعه الممتاز..
حي الفيحاء شارع عبدالله سليمان.. أتوقع هو أول محل قهوة مختصة في هذي المنطقة!
و الميزة الأحلى إنه يفتح أيام الأسبوع من ٧ الصباح 😍👌🏽☀..
أتوقع يكون وجهة المبكرون المفضلة خاصة قبل بداية الكلاسات و الدوامات..
.
لو يحط منيو فطور لو خفيف و بسيط بيضرب ضربة معلم 😍👌🏽..
.
حاليًا بما إنه محلهم للقهوة المختصة أكثر شي فعندهم أنواع مختلفة من القهوة اللذيذة للأمانه .. جربنا منها نوعين و كانت لذذذذيذة..
جربت من عندهم كيكة العسل و كيكة التوت بالليمون< مو متأكدة من إسمها بس هذي محتوياتها
كيكة العسل أعطيها ٥/١٠
كيكة التوت و الليمون ٩/١٠ 😍👌🏽..
.
عندهم جلسات عوايل و شباب في دورين منفصله..
.
عندهم واي فاي<أظن!
.
عندهم أفياش كهرباء و هذا أكثر شي بيعجب الطلاب..
.
في شي كمان خططططير عندهم..
يبيعون كثير من المنتجات اللي نطلبها ديليفري، فهمتوا قصدي؟
يعني كوكيز قولدن براون،سلطات روتس و أشياء أخرى 😍👌🏽..
.
أسعارهم معقولة حدود ١٥ ريال للكوب و مع عرض مارس اللي فيه ١٥٪؜ تخفيض لطلاب و طالبات الجامعة صارت ممتازة الأسعار 😍💙..
.
موفقين يارب 💪🏽

Advertisement