مطعم و كافيه ابتاون

مطعم و كافيه ابتاون

الموقع :

حي الحمراء شارع الاندلس

قبل ابل بيز .

مطعم و كافية ابتاون

فطور في ابتاون

الموقع حي الحمراء شارع الاندلس بجوار ساكو
يوجد قسم للعائلات و قسم للافراد
لا يوجد بارتيشن ، يوجد جلسات خارجية

مطعم و كافية ابتاون

الموقع حي الحمراء – شارع الاندلس

صباح الرضا والتوفيق

اليوم افطرت في مطعم ابتاون في الحمرا بشارع الاندلس

المطعم ديكوراته تفتح النفس
والشمس تدخل من كل مكان وفيه جلسات خارجية

اليوم طلبنا
سلة فطور ابتاون فيها بيض وفواكه وبطاطس وسجق وبان كيك وخبز وعصير ب٦٩ ريال
صحن البيض كان صغير شوي ?
.
بس قبل طلبت عندهم الاومليت كان لذيذ ب٤٠ ريال

اعتقد انه يصنف من المطاعم الغالية شوي للفطور ?
.
لكن المكان يستاهل ??

في البداية
تم تقديم ضيافة زيتون اخضر مطحون مع الزيت الزيتون و سلة الخبز.

طلباتنا :


1 ) هاوس اومليت : بيض مخفوق مع الحليب و الجبن ويقدم مع الهاش براون و خبز التوست الاسمر و البيكون ( طبعا انا طلبت انه يلغي البيكون )
كان الطلب ممتاز ولكن كمية الجبن قليلة مع البيض من وجهة نظري.
2 ) إيغ بينيديكت: عبارة عن بيض مغلي بالماء و يقدم نصف استواء و يقدم معاه السبانخ و البطاطس المشوية مع خبز البيقل بالسمسم و السالمون
وكان الطلب جميل جدا .
3 ) و 2 كابتشينو .

السعر : 161 ريال ? للاسف جدا جدا غالي
التقييم:
1 ) الاكل 10/8.5
2) النظافة 10/9
3) السرعة 10/7
4) السعر 10/5 ?

ملاحظة : ليس من الضروري كل مايعجبني يناسب ذوقك .
و انتظرونا في تقييمات اخرى
وتقبلوا فائق التقدير والاحترام

مطعم و كافيه ابتاون
الموقع حي الحمراء شارع الاندلس بجوار ساكو

صوره جميله لحلا كيكة التمر

تجربتي كانت ل أبتاون معرف وين مكانو لاني مو من جده ☺
طلبي كان موكا بارد وكيكة تمر بصراحه الموكا منعش ?
وكيكة التمر لذيذه بس كانت ساخنه وانا ماحبها كذا بس عموماً لذيذه ?
المكان هااااادي جداً ورايق
اكرر التجربه ان شاءالله بس اجي لجده ?

 


في الحمرا طريق الاندلس

احبه كوفي اكثر من مطعم

الحلويات عندهم ألذ من الأكل ..

والتقديم في الكل جميل

كانت طلباتنا ???☕
.
شوكليت فوندانت جميلة تُقدم الفواكه مع مارشميلو وتختار الشوكليت دارك او وايت 10/10

هالمكان كثيرر مميز بالنسبة ليا رايق وهادي وجلساته الخارجية تفتح النفس ??❤


كيكة التمرر أروحلها مخصووص? اللي يحب كيكة التمرر لاااااازم يجربها عندهم اعطيها ? من 10 ?

قهوة تركية جيدة وتقديمها مع الكنكة جميل ☕? 10/10 .
مارغريت بالفراولة ??/? .
والاسعار مناسبة مقارنة بجمال المكان والطعم ?? مااتذكرها بالتفصيل بس حدود 37 للحلا ، ممكن التوتال حدود ال100-140 ريال ?

فطور جميل و روقان في اب تاون

الموقع حي الحمراء شارع الاندلس بجوار ساكو

ابتاون – شارع الاندلس

يوجد قسم للعائلات و قسم للافراد
لا يوجد بارتيشن ، يوجد جلسات خارجية
المكان جميل و رايق

الطلبات كانت
صحن فطور أبتاون و هاوس أومليت و بانكيك ديلايت و كلوب ساندوتش و عصير برتقال و عصير تفاح
تجربة رائعة و الأسعار متوسطة الى مرتفعة
الرأي العام مطعم فخم ١٠/٩
اكتر شي عجبني صحن فطور أبتاون

قييم العصرية و الأجواء الحلوة

اليوم اجواء جده خقةة.. وماينفع نداوم طبعا?تقييم اليوم من ابتاون الكافي اللي يرووق … طبعا كنا شخصين

طبعا طلعنا فوق عشان مافي معسلات … واللي يبي معسلات جلساتهم تحت
.
.
طلبنا اثنين لاتيه والطعم ممتاز ومو خفيف وتشيز كيك فراوله…???? ممتاز جدا … .
.
والسعر تقريبا ٨٠ ريال
.
.
وطبعا مكاني المفضل ومافي زحمة

اجواء صباحية منعشة ترافق تقييم الفطور إلي وصلنا من صديقة طلبت عدم ذكر اسمها ?: –

صباح الخير?
تقيمي ل ابتاون966 شارع الاندلس الحمرا
لتجربة الفطور

فالبداية قدمو لنا ضيافة عبارة عن سلة انواع مختلفة من (خبز ، شابورة)

طلباتنا كانت گ التالي:
هاوس اومليت و كان عبارة عن: اومليت بالجبنة ( تقدرو تختارو نوع الجبنة ) بيف بيكون و هش بروان و توست (لكم حرية اختيار الخبز) كان طبق رائع بالكل المقايس تعليقي فقط على الهش بروان ما كان بالجودة المطلوبة عادي جدا في اماكن كتير تزبطو
١٠/٨

لبنة الضيعه ١٠/٩

الأجبان المشكلة ذا الطلب ما كان موجود في المنيو ١٠/١٠ مجرد اجبان مافي اي اضافة بس انا من عشاق الجبن بكل انواعة

٢ابريق شاهي
٢مويه

الحساب ١٧٠
الجلسات جميلة والويترز والاستقبال جميل
السلبيات

خيارتهم للفطور قليله .. و كثرة الذباب –

تقييم خفيف وصلنا
اول مرة اشارك بتجربتي ..
كانت زيارة لمطعم أب تاون الساعه ٩ صباحًا ..
جلساته جميلة والويترز مره بشوشين
والاستقبال جميل ? و أهم شي صوت فيروز ?❤
كنا شخصين

طلبنا لبنة الضيعة
و سلة أبتاون و٢ كافي لاتيه .. وكان مره طعم .. السعر الاجمالي ١١٩ريال ..

من السلبيات كثرة الذباب عندهم ..
خياراتهم للفطور مو كثيرة .. بس الاكيد له زيارات تانيه

تقييم لمطعم وكافيه ابتاون -جدة-طريق الاندلس- بجوار ساكو..

الطلبات كانت مختلطه بين الفطور والغداء عملناها برنش ?.. .. نجي لمخالفات وزارة التجارة ماء للشرب قارورة 600مل بـ10ريال وتم التبليغ? وشكرا
..
.. شوربة ماشروم بالكريمة..يجي معاها قطعتين خبز وعليهم جبنه وزيت زيتون وطعم الثوم المعمر..
وهنا اتوقف للحديث بشيء من الزعل ??الشربة كبيرة ممكن تكفي 4اشخاص واضح فيها الفطر المجروش ومرقه دجاج مو كريمة وطعم حدييييييد ?ممكن مخزنة قدر غير مخصص للتخزين او نفس القدر تبع الطبخ نوعيتو جداً سيئة . وغير عن كذا مليانه ثوم معمر وبغزارة وهذا زاد الطين بلة ?السعر لكوبيين شربة من الحجم الكبير 74ريال التقييم 6من10 لقطعتين الخبز الذيذة ? . . .

الطلب الثاني كان طبق فطور.. هاوس أمليت..عبارة عن امليت مطبوخ على الطريقه الفرنسية يضاف بالمنتصف جبنة الموزاريلا او جبنة الماعز حسب الاختيار.. قطعه يتيمة من اللحم المقدد وخبصوها بصوص الباربيكيو .وانصدمت وانا اتفرج على صور هاشتاق#ابتاون لمن شفت نفس الطلب كميه اللحم المقدد كبيييرة ليش طلبنا كان كذا?? اربع قطع هاش بروان واربع قطع خبز اسمر محمصة.. الاوملت ممتاز مستوي وطري وبالمنتصف محشي بجبنة الماعز بس ماكان لذيذ لاختلاف الاذواق .. الهاش براون ممتاز بس للاسف خربوه لمن حطو صلصة الباربكيو عليه.. التوست توست عادي ومحمص..
السعر45ريال التقييم 7من10
..
..
الطبق التالي طبق غداء عبارة عن مكرونة الرافيولي بجبنة الريكوتا والسبانخ..بعد ماطلبنا بحوالي 10دقائق جا الويتر واعتذر أنو الجبنة غير متوفرة وراح يستبدلها. لكن كانت الجبنة جديدة بالنسبة لي وماعرفتها..بالنسبة للمكرونة لذيذة والسبانخ من جوا لونها زاهي لكن الصوص برضو خربوه بالثوم المعمر والبصل انا ما اعترض على تواجدهم لكن اعترض على الغزارة في التواجد بحيث يصير طعمها طاغي ومزعج.. ??السعر75ريال التقييم 7من10..
.. الطبق التالي طبق غداء ..تشكين بانيني عبارة عن صدور دجاج مشوية وكانت خاليه من النكهه بشكل واضح مع ماشروم معلب? وجبنة حلوم وصوص مايونيز وثوم.. محشية بخبز بانيني ابيض مقسوم قطعتين..مع فرنش فرايز عادي مافيه شي يخليك تقول واو? السعر58ريال التقييم4من10
..
التقييم النهائي لـ ابتاون
الخدمة9من10
..
النظافة8من10
..
الأكل 6من10
..
كان التوتال مع المشروبات340…الاسعار بالنسبة للاطباق والكمية 5من10
..
انصح بالزيارة لطلب المعسل والمشروبات فقط .

صباح الخيرات والليرات ..
مع الأجواء الجميله دي حابة أشارككم تقييمي لمطعمي الحبيب أبتاون اتوقععع انهم طفشوو من كتر ما اجيهم
اليوم طلباتنا كانت:
كروسان جبنة /لزيز وهش وتقييمي 10/9 سعرو 10 ريال
كروسان زعتتر / برضو شي مرا لزيز ومافي زيت كتير 10/9 سعرو 10 ريال
سموذي خوخ ومانجو / لزيزز بس حالي مرة 10/7 وسعرو 29 ريال
عصير برتقال فريش/ 10/9 وسعروو 20 ريال

المجموع : 69 ريال وأنصح اللي خارجين من دوامتهم في دي الأجواء يزوروه.. اكتر المطاعم مريحه بالنسبالي واطﻻلتهم ع الشارع نشووف الخلق? وسﻻمتكم ♡♡ .

تقييم صغير

فطور في مطعم ابتاون في الحمرا
فطورهم روعه عباره عن بانكيك مع فواكه وعصير برتقال مع الجزر كان طازج والثاني بيض مع توست وسبانخ كان روعه
المكان هدوء
الحساب 130 ريال
التقييم 10/9 .

صباح الخير?
جدة منتعشة من أمس من الجو البطل? — تقييم جميل

صباح الخير
تقييمي لفطور أبتاون وكانت أول تجربة وصراحة ماندمنا عليها أبدا الحمدلله
بيض أومليت يجي معاه توست أسمر محمص ولبنة لزيز ٨/١٠
لبنة الضيعة وتجي معاها فطاير بالزعتر وطماطم وخيار وزيتون لزيز بس عادي ٧/١٠
مافن شوكولاته أنا ماذقتو بس اللي طلبتو تقول جمييل ٨/١٠
٤ كروسون جبنة امم طعم الجبنة اللي فيه مو مرا نعطيه ٥/١٠
طبعا طلبنا كروسون زعتر وموجود بالمنيو بس قال مافي
طلبنا حلى ناسيه إسمو من قائمة الفطور عبارة عن كيك ومعاه آيس كريم اعطيه ٦/١٠
المشروبات عندهم تحمس مرره غريبة وطعمها لذيذ وتجي نفس الصورة الموجودة بالمنيو
طلبنا مخيتو بالفراولة ومشروب تاني بالكوكيز وواحد بالاسبريسو وفوقو آيس كريم كلها لزيزه
وليمون بالنعناع تقليدي بس طعمو منعش وحلاه مو زياده المشروبات أعطيها ٩/١٠ عشان أسعارها غاليه حبتين
وطبعا قبل الفطور جابو مقبلات عبارة عن زيتون مجروش وخبز لزيزه
والأكل كلو يفتح النفس يعني أكيد حتتكرر التجربة إن شاءالله وأنصح فيه
الحساب٣١٢ ريال تقريبا

صباح الخير .. ?

تجربة فطور بمطعم أبتاون : شارع الأندلس ، جنب ساكو .
وصلنا الساعه ١٠ و نص بالضبط .
و إخترنا الجهة المكشوفة للأسف ?? كان فيه مراوح بس الشمس مسيطره ? و الذبان كثيير و عالأكل و بعضه ميت في الطاوله ?? .
المهم طلباتنا كانت :
٢/ شمبانيا سعودي “عادي فيه أماكن تقدمه أفضل بس الكوب كان كبيير سعره ١٨ ريال عشان كذا أعطيه ٧/١٠ لحجم الكوب ” . / كلوب ساندوتش دجاج : ماحبيته لأن حاطين بيض نص استواء مع الدجاج و الطماطم و الخس و لحم مدخن ” تقدّم مع فرنش فرايز جدا لذيذ ٥/١٠ / سلطة سيزر دجاج : لذيذه حبيتها لأنها مو دسمه و تحسّها فرررش عمومًا ? . ٨/١٠ .

مطعم ابتاون- شارع الأندلس بجانب ساكو

فطور لشخصين
هاوس اومليت ب٤٩ ريال عجب زوجي
وشاهي ب١١
و طلبت صحن فطور ابتاون ب٦٥
الهاش براون لزيز جدا البان كيك ماعجبني طعم وريحة البيض واضحه ويجي مع الطلب ياعصير برتقال او كوفي
الفطور 10/7
المكان 10/7 بسبب الحر

فطور جميل و روقان في اب تاون

الموقع حي الحمراء شارع الاندلس بجوار ساكو
يوجد قسم للعائلات و قسم للافراد
لا يوجد بارتيشن ، يوجد جلسات خارجية

صوره و مشاركة جميلة من
@anoudalghamdii

المطعم: اب تاون
وجبة فطور?.
الطلبات:
بانكيك ديلايت + شاهي + بريوش + كافي لاتية ☕.
بالنسبه للبريوش طعمة مره لذيذ ?.
الايجابيات:
خدمتهم سريعة.
صوت الموسيقى هادئ?.
تعاملهم راقي جداً.
تقديمهم للطلبات مميز.
فطورهم كان حلو انصح تجربوة ???.

الاسعار مو ذاكرتها بس مو غالي .

 

Advertisement