كابتشينو قراند كافيه

 

 

 

كابتشينو قراند كافيه بفرعهم الجديد بـ شارع صاري بمركز اسكوت صاري قبل ستارز افينيو
الفرع القديم بـ بارك حياة ولهم فروع في عدة دول

الطلبات كانت
مفن شوكولاته
كيكه الجزر .
كابتشينو مع الفواكهه
كابتشينو
عصير الفراوله

المكان رائع ،، ولديهم جلسات خارجيه
فيه جلسات للعائلات و جلسات للشباب
العامليين كانو جدا محترمين

تعاملهم كان جدا حلو
وفيه وجبات اطفال و اسعارهم متوسطه

تقيمي الكافي جدا حلو وانصح فيه ?!! .

كابتشينو قراند كافيه

تقييم مميز من @hebakabrah .

تقيم كابتشينو جراند كافيه بارك حياه
الاطلاله جميله والجو هذه الايام مره رااااائع المكان حاطين فيه ميوزيك هادئه تريح الاعصاب
طلبنا شوكليت كيك تشبه البراوني بس كانت مره ناشفه طعما مر شويه ما حبيتها واعطيها 4/10 سعرها 38 SR
كيكه التمر وهي احلا شي موجود عندهم ومن اجمل كيك التمر اللي ذقته تجي اسفنجيه وعليها صوص كراميل ويقدموها مع سكوب فانيلا ايس كريم رائعه اعطيها 9.5/10
وسعرها 38 SR
شاي اخضر بالنعناع يجي في براد صغير شكله جميل بس طعمه جدا عادي اعطيه 5/10 وسعره 19 SR
مويه اڤيان كبيره سعرها 30 SR
طلبنا كوكتيل موهيتو عباره عن لايم اخضر مع خلاصه الزنجبيل وسكر القصب كان لذيذ اعطيه 8/10 وسعره 43 SR
واخذنا دايكري الفراوله عباره عن عصير فراوله مع ليمون وخلاصه الفراوله ويجي مثلج شكله مرررره حلو وطعمه مررره يمي لازم تجربوه اعطيه 9.5/10 وسعره 43SR
مشكلتهم عدد الويترز مره قليل مو مركزين و تحتاج ربع ساعه عشان تقدر تعطيهم الاوردر
اعطيهم تقيم 4/10 .

Advertisement